САРАПТАМА – САПА КЕПІЛІ

Мәжілісте “Заң жобаларын сараптамадан өткізу сапасын жетілдіру” деген тақырыпта халықаралық дөңгелек үстел өтті, деп хабарлады осы палатаның баспасөз қызметі. Оны “Нұр Отан” ХДП жа­нын­дағы Құқықтық кеңес және Мәжілістің Заңнама және сот-құ­қықтық реформа комитеті ұйым­дастырды. Астанадағы ЕҚЫҰ орталығының басшысы Алек­сандр Кельчевский  беташар сөз сөйледі. Жиылысқа Мәжіліс депутаты, “Нұр Отан” ХДП жанындағы Құ­қықтық кеңес төрағасы Нұр­лан Әбдіров модераторлық жа­са­ды. Әділет министрінің орын­ба­сары, Құқықтық кеңес мүшесі Дулат Құсдәулетов, “Нұр Отан” ХДП Парламентаризм инсти­ту­ты­ның директоры Болат Бай­қа­да­мов, Мәжіліс депутаты Мұрат Әбенов, т.б. пікірталасқа қаты­сып, ой бөлісті. Дөңгелек үстелдің мақсаты – заң жобаларын сыбайлас жем­қор­лыққа қарсы, экологиялық, крими­нологиялық және басқа түрлердегі сараптамадан өткізу сапасы бойын­ша мәселелерді талқылау болды. Оның жұмысына Парламент депутаттары, Президент Әкім­ші­лігінің, Үкімет, министрліктер мен ведомстволардың, халық­ара­лық және үкіметтік емес ұйым­дар­дың өкілдері, ғалымдар мен сарапшылар қатысты.