Фото: ҚФФ
FIFA-ның әлеуметтік желідегі парақшасында жарияланған сілтеме бойынша үздік гол иесін анықтауға болады. Асхат Тағыбергеннің Қазақстан-Дания матчының 86-минутында алыстан шірей тепкен добы гол болып, 1:2 есебімен жеңіліп жатқан Қазақстан құрамасы таразы басын теңестіріп қана қоймай, 89-минутта Абат Айымбетов үшінші голды тоғытып, жеңісті жұлып алған болатын. Міне, осы тартысты матчта ұлттық құрама капитаны Асхат Тағыбергеннің голы «Пушкаш» сыйлығына ие болуы мүмкін. Ол үшін мына сілтеме бойынша өтіп, дауыс беру қажет. Қазақ футболы жанкүйерлерінің дауыс беріп, қолдауы аса маңызды.
