Қоғам • 25 Қыркүйек, 2023

Есірткімен екі облысты қамтыған күдікті ұсталды

163 рет
көрсетілді
1 мин
оқу үшін

Тәртіп сақшылары есірткі затын таратып сатумен шұғылданған күдіктіні құрықтады, деп хабарлайды Egemen.kz  ведомствоның баспасөз қызметіне сілтеме жасап.

Есірткімен екі облысты қамтыған күдікті ұсталды

https://polisia.kz/

«Қостанай облысы ПД патрульдік полиция ротасының қызметкерлері есірткі қылмысына қарсы іс-қимыл басқармасымен бірлесіп Солтүстік Қазақстан және Қостанай облыстарының аумағында есірткі заттарын таратқан 26 жастағы күдіктіні ұстады. Қостанай облысы ПД есірткі қылмысына қарсы іс-қимыл басқармасының бастығы Нұржан Ахметовтың айтуынша, облыс орталығының тұрғыны салмағы шамамен 1 келі болатын есірткінің аса ірі партиясы – гашишті тасымалдау кезінде ұсталған. Қазіргі уақытта полиция ҚР ҚК-нің 297-бабы 3-бөлігі бойынша (Есірткі, психотроптық заттарды, олардың аналогтарын жөнелту немесе өткізу мақсатында заңсыз дайындау, қайта өңдеу, сатып алу, сақтау, тасымалдау) бойынша сотқа дейінгі тергеп-тексеруді бастады. Баптың санкциясы мүлікті тәркілеу арқылы 15 жылға дейін бас бостандығынан айыруды көздейді. Қазіргі уақытта Қостанай облысының аумағында есірткі құралдарын жеткізу және тарату арнасын ұйымдастыруға қатысы бар адамдарды анықтау бойынша жедел-іздестіру және тергеу іс-шаралары жүргізіліп жатыр», делінген хабарламада.

Биылғы жылдың тоғыз айында полиция қызметкерлері әбжіл әрекет етудің нәтижесінде 329 келі есірткі заттарын заңсыз айналымнан тәркіледі.