Спорт • 26 Қыркүйек, 2023

Қазақстан ерлер құрамасы нысана көздеуден күміс медаль алды

213 рет

көрсетілді

1 мин

оқу үшін

Құрамында Ыбраев Бақтияр, Худяков Андрей мен Нәзірқұлов Асадбек бар Қазақстан командасы 10 метрден қозғалмалы нысанаға атудан Азия ойындарының күміс жүлдегері атанды, деп хабарлайды Egemen.kz Туризм және спорт министрлігінің баспасөз қызметіне сілтеме жасап.

Маржан ТІЛЕУБЕК

Қазақстан ерлер құрамасы нысана көздеуден күміс медаль алды

Фото: gov.kz

Қазақстан құрамасы 1111 балл жинады. Бірінші орынды Оңтүстік Кореядан келген мергендер (1116), үшінші орынды Индонезиядан келген спортшылар (1098) иеленді.

Бұл нысана көздеу бойынша жарыстарда Қазақстан құрамасының үшінші марапаты. Осыған дейін Никита Чирюкин жылдам атылатын мылтықтан қоланы жеңіп алған. Тағы бір қола жүлдені Ислам Сәтпаев / Александра Ле жұбы жеңіп алды, ол 10 метрлік пневматикалық мылтықтан ату жарыстарында өнер көрсетті.