Аймақтар • 27 Қыркүйек, 2023

Риддердегі ЖЭО-да алғашқы қазандық іске қосылды

192 рет
көрсетілді
1 мин
оқу үшін

Бүгін Риддер ЖЭО-да бірінші орта қысымды қазандық іске қосылды, деп хабарлайды Egemen.kz

Риддердегі ЖЭО-да алғашқы қазандық іске қосылды

Фото: ашық дереккөз

Риддер қаласының әкімі Дәулет Батырбаевтың айтуынша,№3 қазандық өз жұмысын бастады. Ол қазандық мазут қоспасы арқылы іске қосылды.

Экрандар, қыздырғыштар және құбырлар жаңа болғандықтан, бұл көп уақытты қажет етпейді.

Жүйе жылынғаннан кейін қалаға, бірінші кезекте әлеуметтік маңызы бар нысандарға – балабақшаларға, мектептерге, ауруханаларға ыстық су беріле бастайды. 

Суық ауа райының басталуымен сәйкес температуралық режим орнатылған кезде жылу беріле бастайды, ең алдымен әлеуметтік маңызы бар нысандар қосылады.

Сенімді басқарушы, Риддер қаласының «Водоканал» мемлекеттік кәсіпорнының басшысы Константин Ханның айтуынша, келесі аптада тағы бір қазандық – орташа қысымды №1 қазандық блогын іске қосу жоспарда бар. Ал одан кейін үшінші қазандық – №2 қазандық іске қосылады.