Спорт • 01 Қазан, 2023

Азия ойындары: Байдарка және каноэ есуден финалға 3 жолдама бар

241 рет
көрсетілді
1 мин
оқу үшін

Азия ойындарында Қазақстан спортшылары байдарка мен каноэ есуден финалға үш жолдама жеңіп алды, деп  хабарлайды Egemen.kz.

Азия ойындары: Байдарка және каноэ есуден финалға 3 жолдама бар

Фото: Туризм және спорт министрлігі

200 метр қашықтыққа каноэде есуден Мария Бровкова 52.530 уақытпен іріктеу кезеңінде 1-орынмен финалға шықты.

Анастасия Березовская 500 метр қашықтыққа байдаркада есуден 2:06.783 уақыт есебінде 2-орын алып, финалға өтті.

Байдаркада есуден ерлер арасындағы командалық сайыста Қазақстан құрамасы (Игорь Ряшенцев, Андрей Ергучев, Сергей Токарницкий, Бекарыс Раматулла) 500 метр қашықтықта 1:28.922 уақыт көрсеткішімен 3-орын алып, финалға жолдама алды.

Финал 3 қазанда өтеді.