Боксшылардың статистикасын жүргізетін әйгілі Boxrec.com сайтының мәліметі бойынша, екінші орта салмақта өнер көрсететін 25 жастағы Б.Нұрмағанбет ең кейінгі жекпе-жегінен кейін әлемдік рейтингте алты саты жоғарылап, 47-орыннан 41-орынға тұрақтады. Ал орта салмақта жұдырықтасатын 26 жастағы Ә.Аманқұл сегіз орын жоғарылап, 70-сатыға жайғасты.
Айта кетейік, екі боксшымыз кейінгі айқастарын 1 қазан күні АҚШ-тың Лас-Вегас қаласында мексикалық Сауль «Канело» Альварес пен америкалық Джермалл Чарло арасындағы бокс кешенінің андеркардында өткізген еді. Бек Нұрмағанбет нигериялық Абимбола Осундаироны (5-1, 3КО) үшінші раундта нокаутпен жеңсе, Әбілхан Аманқұл америкалық Джошон Джеймспен (7-0-2, 4КО) төрешілердің шешімімен тең түсті.
