Дүниежүзілік рейтингте 260-орында тұрған Денис Евсеев бәсекенің үшінші айналымында әлемнің 146-ракеткасы америкалық Александр Ковачевичпен шеберлік байқасып, екі сетке жалғасқан матчта 2:6, 4:6 есебімен есе жіберсе, рейтингте 302-сатыда орналасқан Б.Жұқаев әлемнің 503-ракеткасы Белорусь Егор Герасимовтан айласын асыра алмады – 7:6 (7:4), 2:6, 3:6. Бейбіт екінші сет басында жарақат алып қалғанымен, матчты аяғына дейін жалғастыра алды. 2 сағат 17 минутқа созылған тартысты бәсеке барысында Бейбіт 14 эйс жасап үлгерді.
Екінші айналымда отандасымыз әлемнің 69, осы жарыстың 1-ракеткасы ретінде тіркелген аустралиялық Танаси Коккинакисті екі сетте 6:3, 6:4 есебімен жеңіп, турнирдің сенсациясын жасаған еді.
