Университет • 16 Қазан, 2023

Өзбекстанда филиалын ашады

170 рет
көрсетілді
1 мин
оқу үшін

Өзбекстанның Шыршық қаласында Мұхтар Әуезов атындағы Оңтүстік Қазақстан университетінің филиалы­ ашылады. Филиалдың ашылуы Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёевтің өзара келіссөздерінің қорытындылары негізіндегі уағдаластық бойынша және Auezov University-нің 80 жылдығына орай жүзеге асырылып отыр.

Өзбекстанда филиалын ашады

Мемлекет басшылары келіс­сөз­дерінің нәтижесі бо­йын­ша арнайы жол картасы әзір­­­­ле­ніп, тиісті жұмыстар қолға алынған болатын. Соған сәй­кес қос мемлекеттің ведом­ство­­лық министрліктері деңге­йін­де Шыршық қаласында Мұх­тар Әуезов атындағы уни­вер­­­ситеттің филиалын ашу турасында үшжақты келісімге қол қойылды.

Auezov University шетел­дегі филиалда 18 білім беру бағдарламасы бойын­ша­ студенттер оқытпақ. Атап айтқанда, экономика, құқық­та­ну, халықаралық қаты­нас­тар, биотехнология, экология, ақпа­раттық жүйелер, автоматтан­дыру және басқару, машина жа­сау, көлік, көліктік техника және технология­лар, электрэнер­гетика, био­рга­ни­ка­лық заттардың химиялық технологиясы, органикалық заттардың химиялық техноло­гия­сы, мұнай-газ ісі, метал­лур­гия, тамақ қауіпсіздігі және инженерия, тоқыма мате­риал­дарының технологиясы мен жобалануы,­ құ­рылыс материал­дарын, бұ­йым­­­­дарын және құрас­ты­ры­лым­дарын өндіру, қоршаған орта­ны қорғау және өмір қауіп­сіз­дігі мамандықтары бойынша білім алмақ.

– Шыршық – Өзбекстандағы өнеркәсібі өркендеген қаланың бірі. Өңірде машина жасау, металл өңдеу және химия өнер­кә­сібі салалары қарқынды дамы­­­ған. Осындай тенденцияларды ескере отырып, Auezov Univer­sity өңірге қажетті білім беру бағ­дарламалары бойынша кадр­лар даярлауды қолға алмақ, – дей­ді университет басшысы Да­рия Қожамжарова.

Еске сала кетейік, университет 301 бакалавриат, магистратура және докторантура білім бағдарламасы бойынша маман даярлайды.