Оңтүстік Кореяның Қазақстандағы елшісі Чжо Тэ Ик орденді табыстай отырып, Б. Дүйсенбаевқа Астана мен Сеул арасындағы екіжақты қатынастарды дамытуға қосқан үлесі үшін алғысын білдірді.
Қазақстан дипломаты Корея Республикасының Президенті мен Үкіметіне марапат үшін өз алғысын білдірді.
Б. Дүйсенбаев 2018 жылдан 2023 жылға дейін Корея Республикасындағы елшісі қызметін атқарды. Ол Кванхва орденін алған Корея Республикасындағы алғашқы Қазақстан елшісі.
Айта кетейік, «Дипломатиялық еңбегі үшін» ордені – Корея Республикасы мен шет мемлекет арасындағы достықты кеңейтуге және нығайтуға қосқан үлесі үшін берілетін Корея Республикасының мемлекеттік наградасы. Орден алты сыныптан тұрады және Корея Республикасы Президентінің жоғары дәрежелі шетелдік дипломаттарға берілетін ең жоғарғы марапат.
