Фото: pavlodarnews.kz
Құжатқа сәйкес, Павлодар қаласы аумағында, Ленин кентінің, Павлодар қаласы маңындағы Жетекші, Мойылды, Павлодар ауылдарының және Кенжекөл ауылдық округінің аумағында жергілікті ауқымдағы табиғи сипаттағы төтенше жағдай жарияланады.
Қала әкімінің бұйрығында: «Жергілікті ауқымдағы табиғи сипаттағы төтенше жағдайды жою басшысы болып Павлодар қаласы әкімінің жетекшілік ететін орынбасары тағайындалсын. Осы шешімнің орындалуын бақылауды өзіме қалдырамын», делінген.
Павлодар қаласы әкімдігі аталған режим өткен демалыс күндері болған дауылдың салдарын жою үшін жарияланғанын мәлімдеді. Қаланың коммуналдық қызметтері апаттың салдарын жою жұмыстарын жалғастырып жатыр. Облыстық ТЖД-нің мәлімдеуінше, облыстағы 33 ауыл жарықсыз қалып отыр. Дауыл салдарынан болған шығын мөлшері әлі есептеліп жатыр.
Айта кетсек, бұған дейін Қарағанды облысында төтенше жағдай жарияланғаны мәлім.
