Әдебиет • 22 Қараша, 2023

Тамаша тағдырлар галереясы

212 рет
көрсетілді
1 мин
оқу үшін

Белгілі жазушы, халықаралық «Алаш» әдеби сыйлығының лауреаты Қуаныш Жиенбайдың «Қарапайым Һәм тамаша тағдырлар» атты жаңа жинағы жарық көрді.

Тамаша тағдырлар галереясы

Бұл кітапқа қаламы жүрдек қаламгердің кейінгі жылдары жазған әдебиет туралы ойлары мен танымал қаламгерлерден ал­ған сұхбаттары, көңілді селт еткізер ойлы жазбалары топ­­тастырылған. Әсіресе Әбдіжәмил Нұрпейісов, Әнес Сарай, Сапар Байжанов, Сей­дахмет Бердіқұлов, Әділ­бек Абай­ділданов, Ғабиден Құлах­мет, Ержұман Смайыл, Ербол Шаймерденұлы, Несіп­­бек Дәутаев, Сейітқұл Оспа­нов, Қази Данабаев туралы жазған естеліктерінде олар­дың адами болмысы мен шы­ғар­машылығын артық-кем бояу қос­пай, дәл суреттейді. Сон­дай-ақ Мереке Құлкенов, Әлібек Асқаров, Қайсар Әлім, Сү­лей­мен Мәмет, Бауыржан Омар­­ұлы секілді қаламы қа­рым­ды замандастарының шығар­машылығы жайында жазған эссе­лері мен мақалаларын оқы­ғанда қант қиығындай еріп ке­тесіз. Ал кітапқа атауы беріл­ген «Қарапайым Һәм тамаша тағ­дырлар» атты зерттеу мақа­ласында орыстың көрнекті жазушысы Валентин Распутин­нің туын­дыларын жіліктеп талдап, парасатты ой толғайды. Автордың айтулы тұлғалардан алған сұхбаттары да майдан қыл суырғандай шыншылдықпен жазылған.

Бір сөзбен айтқанда, жазу­шының оқырманға жол тарт­қан жинағы – әлем әдебиетін­де өмір­­ге келген тың бастама­­лар­ды қоз­ғауымен, адам пси­хо­логия­сындағы алуан түрлі тартыстарды жеткізудегі әдіс-тәсілдерімен, замандас қаламгерлері туралы тол­ға­ныстарымен, ең ақыры, қоғам­дағы құбылыстарға жеке көз­қарасымен ешкімді бейжай қалдырмайды.