Аймақтар • 01 Желтоқсан, 2023

Маңғыстау облысында Қызыл кітапқа енген арқарды атқан браконьерлер ұсталды

223 рет
көрсетілді
1 мин
оқу үшін

29 қарашада Қызылсай табиғи паркі мен «Жабайұшқан» мемлекеттік табиғи қаумалының мамандары Бөрібас жерінде кезекті рейд жүргізген. Іс-шара барысында Nissan Patrol автокөлігімен Жаңаөзен қаласының тұрғындары ұсталды, деп хабарлайды Egemen.kz

Маңғыстау облысында Қызыл кітапқа енген арқарды атқан браконьерлер ұсталды

«Тексеру барысында автокөліктің жүк салғышынан Қызыл Кітапқа енген бір арқар табылды. Сондай-ақ 26 оғымен 1 аңшы мылтығы және 2 аңшы пышағы тәркіленді», деді «Жабайұшқан» мемлекеттік табиғи қаумалының басшысы Жұлдызбек Есенғалиев. 

Аталған дерек Маңғыстау аудандық Полиция бөліміне хабарланып, тіркелген. 

«Қазіргі уақытта ҚР Қылмыстық кодексінің 337-бабы бойынша тергеу жүргізіліп жатыр», деп мәлім етті Маңғыстау аудандық полиция бөлімі.