Заң • 01 Желтоқсан, 2023

Ақылы жолдың төлемін жасамағандарға айыппұл салынады

198 рет
көрсетілді
1 мин
оқу үшін

Көлік министрлігі ақылы жолда жүру ақысын төлемегендерге айыппұл қашан салынатынын түсіндірді, деп хабарлайды Egemen.kz.

Ақылы жолдың төлемін жасамағандарға айыппұл салынады

Көлік министрлігінің автомобиль көлігі және көліктік бақылау комитеті ақылы жолмен жүру ақысын күнтізбелік 7 күннің ішінде төлеу қажет екенін еске салады.

Осы ретте төлем жасаудың 20-дан астам әдісі бар.

Атап айтқанда, QAJ mobile мобильді қосымшасы, Kaspi.kz, Kiwi-әмиян, Forte Bank арқылы.

Сегізінші күні Әкімшілік құқық бұзу кодексінің 628-бабына сәйкес айыппұл есептеледі.

Жеке тұлғалар үшін айыппұл мөлшері — 5 АЕК, заңды тұлғалар үшін — 10 АЕК (2023 жылы 1 АЕК көлемі — 3 450 теңге).

«Әкімшілік жауапкершіліктің алдын алу үшін автокөлік иелері мен жүргізушілер ақылы жолдың ақысын уақтылы төлеуі керек. Сонымен бірге берешегі бар автокөлік иелерін тарифке сәйкес қарызын өтеуге шақырамыз» дейді министрліктен.