![Қазақстанға Куба боксшылары келді](/media/2023/12/04/1c98107e-d351-41f7-a3f5-6317fc3fcdd0.webp)
Фото: boxingkazakhstan
Бокстан ұлттық құрама мүшелері Куба боксшыларымен тізе қосып оқу-жаттығу жиынын өткізеді. Бүгіннен басталатын бірлескен жаттығу өрісі 16 желтоқсанға дейін жалғасады. 17 желтоқсан күні Қарағанды қаласында Ғалым Жарылғаповты еске алуға арналған халықаралық турнир жалауын көтереді. Кубадан келген 9 боксшы да осы додаға қатыспақ. Құраманың бас бапкері Карлос Мануэль Перес Рейес Қазақстанға шақырған бокс федерациясының басшылығына алғысын білдіріп, екі ел боксшыларының арасында берік қатынас орнағанын айтты.