Ауа райы • 08 Желтоқсан, 2023

Жеті аймақта жел тұрып, күн күрт суытады: Қазгидрометтің 9 желтоқсанға арналған ауа райы болжамы

4963 рет
көрсетілді
1 мин
оқу үшін

Қазақстанның жеті облысында дауылды ескерту жарияланды, тағы үш қалада екінші дәрежелі қолайсыз метеожағдайлар туралы ескертілді, деп хабарлайды Egemen.kz.

Жеті аймақта жел тұрып, күн күрт суытады: Қазгидрометтің 9 желтоқсанға арналған ауа райы болжамы

Алматы облысының таулы аудандарында қалың қар түседі деп күтіледі. Облыстың оңтүстігінде, таулы аймақтарында тұман, көктайғақ болады деп болжанады. Алматыда да, Қонаев қаласында да тұман болады.

Түнде Павлодар облысының басым бөлігінде сақылдаған аяз болып, сынап бағаны -37, -42 градусқа дейін төмендейді деп болжанады.

Маңғыстау облысының шығысында, орталығында, батысында шығыстан соққан желдің екпіні 15-20 м/с құрайды. Ақтауда шығыстан соққан желдің екпіні 15-20 м/с болады деп күтіледі.

Қостанай облысының солтүстігінде, шығысында тұман болады деп күтіледі.

Түнде Солтүстік Қазақстан облысының басым бөлігінде сақылдаған сары аяз болады, сынап бағаны -35, -40 градусқа дейін төмендейді деп болжанады. Түнде Петропавлда да аяз болады: -36...-38°C.

Түнде Ақмола облысында сынап бағаны -40°C көрсетеді.

Жетісу облысының таулы аудандарында қалың қар жауады. Облыстың оңтүстігінде, таулы аймақтарында тұман, көктайғақ болады деп күтіледі. Алакөл ауданында, облыстың таулы аудандарында солтүстік-шығыстан 15-20 м/с жылдамдықпен жел соғады.

8 желтоқсанда сағат 21:00-ден 9 желтоқсанда сағат 21:00-ге дейін Семей қаласы бойынша күтілетін қолайсыз метеожағдайларға байланысты екінші дәрежелі ҚМЖ туралы ескерту жарияланды.

8 желтоқсанда сағат 21:00-ден 9 желтоқсандағы 21:00-ге дейін Өскемен, Риддер қалалары бойынша күтілетін қолайсыз метеожағдайларға байланысты екінші дәрежелі ҚМЖ туралы ескерту жарияланды.

Соңғы жаңалықтар

Қас қағым сәт

Көрме • Кеше

Құлдық психология

Сатира • Кеше

«Хат қоржын»

Егемен Қазақстан • Кеше