Спорт • 13 Желтоқсан, 2023

Спорт төрешілерінің жалақысы қанша теңгеге өседі

155 рет
көрсетілді
1 мин
оқу үшін

Туризм және спорт министрлігінің кеңейтілген отырысында 2024 жылдан бастап спорт төрешілерінің жалақысы базалық лауазымдық жалақыдан 100%-ға дейін көтерілетіні айтылды, деп хабарлайды Egemen.kz.

Спорт төрешілерінің жалақысы қанша теңгеге өседі

Сондай-ақ, спортшыларға Ұлттық бірыңғай тестілеуден өтпей ЖОО-ға түсу үшін гранттар беру нормасы заңнамалық түрде енгізілгені жария етілді.

Сала қызметкерлерінің жағдайын жақсарту бойынша жұмыс жалғасып жатыр. Соңғы екі жылда мамандандырылған мектеп-интернат-колледждердің (республикалық және облыстық), сондай-ақ балалар-жасөспірімдер спорт мектептерінің жаттықтырушы-оқытушыларының жалақысы 25%-ға өсті.

«Заңнамалық негізде жаттықтырушы-оқытушылардың апталық сағат жүктемесін 24-тен 18 сағатқа дейін қысқарту жоспарлануда», – деді ведомство басшысы Ермек Маржықпаев.

Сонымен бірге ол келесі жылдың 19 қаңтары мен 1 ақпаны аралығында Оңтүстік Кореяның Канвондо провинциясындағы Каннын қаласында жалауы желбірейтін IV қысқы жасөспірімдер Олимпиадасына қатысатын спортшылардың дайынлдығына баса мән беріп, Спорт және дене шынықтыру істері комитетіне Ұлттық Олимпиада комитеті, Спортты дамыту дирекциясы және Олимпиадалық дайындық орталығымен тізе қосып жұмыс істеуді тапсырды.