Құқық • 13 Желтоқсан, 2023

Ұлттық міндеттеме бестігі

109 рет
көрсетілді
2 мин
оқу үшін

Конституциялық сот төрағасы Эльвира Әзімова бастаған Қазақстан делегациясы Адам құқықтарының жалпыға бірдей декларациясының 75 жылдығына арналған Жоғары деңгейдегі іс-шараға қатысты. 10-13 желтоқсан аралығында Женевада өткен жиын – БҰҰ-ның осы жылғы айтулы оқиғасы.

Ұлттық міндеттеме бестігі

Бағдарлама бойынша Қазақстан тарапы БҰҰ-ның екі күндік отырысына қатысып, форум аясында жекелеген шаралар мен екіжақты кездесулер ұйымдастырды. Іс-шараның алғашқы күні Э.Әзімова БҰҰ-да Мемлекет басшысының 2022 жылғы адам құқықтары саласындағы реформаларына негізделген Қазақстанның ұлттық міндеттемелерін ұсынды. Осы орайда еліміз бес міндеттемеге баса назар аударып отыр. Олар – Бала құқықтары туралы конвенция­ға Факультативтік хаттаманы ратификациялау арқылы балалар­дың құқықтарын қорғау тетіктерін кеңейту мәселелері; әйелдердің, балалардың және басқа да осал топтағы адамдар­дың құқықтарына баса назар аудара отырып, «Халық үніне құлақ асатын мемлекет» тұжырымдама­сын жүзе­ге асыруды жалғастыру; цифр­ландыруды ілгерілетуге және қазіргі заманғы технологияларға қол жеткізу үшін қолайсыз жағдайларды азайту және азаматтық қоғамның рөлі мен қаты­суын арттыру.

Сондай-ақ ұлттық міндеттеме­лер­дің алдыңғы қатарында БҰҰ-ның Жо­ғарғы комиссары басқармасы бекіт­­кен адам құқықтарын қорғау көр­сет­­­кіш­терінің Тұрақты даму мақ­сат­­­­тары­­мен қоса ұлттық іс-қи­мыл жос­­­пар­­ларға интеграцияла­нуын қам­­та­ма­­сыз ету мәселесі тұр. Өз сөзін­де Э.Әзімова Қазақстан әрбір азамат­тың тең мүм­кін­діктері, құқық­тары және қорғалу мүм­кіндігі болатын инк­люзивті, қауіпсіз, әділ жаһан­дық қоғам құру шараларын жалғастыратынын атап өтті.

Сонымен қатар қазақстандық делегация басшысы форум аясында өткен «Қазақстанның адам құқық­тарының жалпыға бірдей декларациясы бойынша міндеттемелері: имплементация және шындық» атты еліміздің құқық қор­ғаушы үкімет­тік емес ұйым­дар­дың арнайы іс-шара­сын­да сөз сөй­леді. Жиында Э.Әзімова адам құқық­тарын қорғау саласын­дағы халық­ара­лық міндеттемелерді имплемен­та­ция­лау бойынша мемлекет атқар­ған жұмысты, оның өзегі болып әрқа­шан Адам құқықтарының жалпыға бірдей декларациясы қала беретінін атап өтті. Конституциялық сот төраға­сы халықаралық са­рапшыларды Мем­лекет басшысы ұсынған шара­лар­дың үш пакетінің іске асырылу барысы, сондай-ақ Халықаралық адам құқықтары күні қарсаңында Президент Жарлығымен қабылданған Адам құқықтары саласындағы іс-қимыл жоспары туралы хабардар етті.

Сондай-ақ форум аясында Э.Әзі­мова Еуропалық Одақ делега­циясы­ның басшысы – Адам құқықтары жөнін­дегі арнайы өкіл И.Гилмор және Адам құ­қықтары жөніндегі Жоғарғы комиссар басқармасы келісімшарт органдары бөлімі басшысының міндетін атқарушы К.Фокспен кездесті.