Аймақтар • 27 Желтоқсан, 2023

Президенттік шырша: Алматы балақайлары сыйлық алып, шыршаны безендірді

114 рет
көрсетілді
1 мин
оқу үшін

Алматыда «Жаңа жыл елімізді аралауда» дәстүрлі президенттік шырша өтті, деп хабарлайды Egemen.kz.

Президенттік шырша: Алматы балақайлары сыйлық алып, шыршаны безендірді

Фото: Алматы қаласының баспасөз қызметі

Қала әкімдігі баспасөз қызметінің мәліметінше, мерекеге 300-ден астам бала, оның ішінде жетім, ата-ананың қамқорлығынсыз қалған, аз қамтылған және көпбалалы отбасылардан шыққан, ерекше білім беру қажеттіліктері бар, Сондай-ақ оқуда, спортта және шығармашылықта жетістікке жеткен дарынды балалар шақырылған.

Мемлекет басшысы Қасым-Жомарт Тоқаевтың атынан шырша қонақтарын Алматы қаласының әкімі Ерболат Досаев құттықтап, балаларға зор денсаулық, табыс және жаңа жылда барлық ниет- армандарының орындалуын тіледі.

Концерттік бағдарлама «Жаңа жылдық сиқыр» музыкалық-интерактивті шоу-спектаклі болды. Спектакльдің ажырамас бөлігі Еркеш Хасеннің оырндауында «Жаңа жыл» әнінің орындалуы мен балалардың шыршаны айналып, осы әнді айтулары арқылы Шыршаның жағылуы, Аяз Ата мен Ақша қардың, 2024 жылдың символы – айдаһар мен танымал мультфильмдер мен аниматорлар кейіпкерлер болды.

Айта кетерлігі, биыл шыршаның төменгі бөлігіне ойыншықтар ілінбеді, балалар өздері оны безендіруге қатысып, «жасыл шыршаға» жаңа жылдық ойыншықтарды ілді.

Іс-шара соңында барлық қонақтар Қазақстан Республикасы Президентінің атынан жаңа жылдық сыйлықтар алды.