Ауа райы • 29 Желтоқсан, 2023

Астана-Петропавл тас жолында бір мезетте 16 көлік соқтығысты, қаза тапқандар бар

2688 рет
көрсетілді
1 мин
оқу үшін

Астана–Петропавл республикалық тас жолында ірі жол апаты орын алды. Бір уақытта 16 көлік соқтығысып, бір адам қаза тапты, деп хабарлайды Egemen.kz.

Астана-Петропавл тас жолында бір мезетте 16 көлік соқтығысты, қаза тапқандар бар

Ақмола облыстық полиция департаментінің мәліметінше, жол апаты 29 желтоқсан күні сағат 13:25-те республикалық тас жолдың 396-шы шақырымында болған.

Алдын ала мәлімет бойынша, 16 көлік: төрт жүк көлігі, үш ГАЗель және тоғыз жеңіл көлік соқтығысқан.

Апат салдарынан бір адам қаза тауып, тағы бір адам зардап шекті, ол Ақкөл орталық аудандық ауруханасының жедел жәрдем бөліміне жеткізілген. Оқиға орнынан бес адам эвакуацияланды, олардың ішінде 2022 жылы туған бала да бар.

Полиция Ақмола облысындағы жолдардың 41 учаскесі жабылғанын хабарлады.