«Осындай тұрғын үйлердің құрылысы алдағы жылда да жалғасады. Былтыр Үкімет қаулысымен 2023-2024 жылдарға арналған тұрғын үй-коммуналдық инфрақұрылымды жетілдіру жөнінде тұжырымдама қабылданған болатын. Сол құжат аясында биыл біз Орал қаласында кезекте тұрған 25 отбасына пәтер сатып алып бердік. Облыс көлемінде осындай 180 пәтер алынды. Келер жылы 290 тұрғын үй мен пәтер алынады, оның 130-ы – Орал қаласынан болады. Мұның барлығы – тұрғын үй кезегінде тұрған мұқтаж азаматтарға мемлекеттің қолдауы», дейді Н.Төреғалиев.
«Бақытты отбасы» бағдарламасына І, ІІ топ мүгедектері, мүмкіндігі шектеулі бала бағып отырған отбасылар, көпбалалы толық емес шаңырақтар және жетімдер санатындағы азаматтар қатыса алады. Бұл келер жылы да жалғасады. Несие жылына 2 пайыздық мөлшерлемемен 20 жылға дейінгі мерзімге беріледі. Бастапқы жарна – пәтер құнының 10 пайызы ғана», дейді «Отбасы банк» АҚ Батыс Қазақстан облыстық филиалының директоры Аида Ипатова.
Дәл қазір Орал қаласында көпқабатты 14 үйдің құрылысы жүріп жатыр. Бұдан бөлек 2024 жылы «Қаладан – ауылға» бағдарламасы аясында ауылдық елді мекендерде де тұрғын үй құрылысы басталады.
Батыс Қазақстан облысы
