Мобильді аударымдар: Туыстар арасында ақша алмасуға шектеу қойыла ма?

Вице-министр туыстар арасында мобильді аударымдар кәсіпкерлік деп есептелмейтінін мәлім етті.

«Туыстар арасында бір-біріне ақша аударымдарының сомасы бойынша ешқандай шектеу жоқ. Оны біз кәсіпкерлік деп қарамаймыз. Жаңа бақылау нысандарын енгізу аясында біз үш ай ішінде әртүрлі адамдардан түскен аударымдардың көлемін ғана қарастырамыз», деді Ержан Біржанов.