Қаңтар айының 25 жұлдызында, 17.00-де «Egemen Qazaqstan» газеті редакциясында «Егемен жастар» атты әдеби кеш өтеді. Әдеби кеште өлеңдер мен прозалық шығармалар оқылып, белгілі дәстүрлі әнші Сәулежан Тағзия және айтулы күйші Қайрат Айтбаев өнер көрсетеді. Әдеби кешке жазушылар Асқар Алтай, Қуаныш Жиенбай, ақындар Сұраған Рахметұлы, Дәулеткерей Кәпұлы, Қалқаман Сарин, Танакөз Толқынқызы қатысады.
«Кешегі Смағұл Сәдуақасұлы, Мұхтар Әуезов, Жүсіпбек Аймауытұлы, Бейімбет Майлин, Сәкен Сейфуллин, Шерхан Мұртаза, Әбіш Кекілбаев сынды қадау-қадау қаламгерлер еңбек еткен қара шаңырақ – «Egemen Qazaqstan» газеті редакциясында бүгінгі егемен жастардың әдеби шығармашылық кеші өтуі үлкен шығармашылық сабақтастық деп білемін. Бұл кеш бұрынғы кештен өзгерек болмақ. Әдеби кеште жаңадан шыққан «Жұлдызымның жорығы» атты поэзия кітабымның және жазушы Абай Аймағамбеттің «Бұрылысқа жарты қадам қалғанда» атты детектив жанрындағы жаңа романының тұсауы кесіледі. Сонымен бірге газетіміздің жас өрендері Сәндібек Асанәлі, Елігімай Төңкер, Абзал Мақаш өлең оқып, өнерлерін паш етеді. Кешке Астана қаласында тұратын қалам иелері мен әдебиетсүйер қауым өкілдері қатысады», деді ақын Жәнібек Әлиман.
Айта кетейік, кеш ұйытқысы – ақындар Жәнібек Әлиман мен Батырхан Сәрсенхан, жазушылар – Бақытбек Қадыр мен Абай Аймағамбет. «Egemen Qazaqstan» газетінде еңбек етіп жүрген талантты жастар әртүрлі жоғары марапаттарды иеленіп жүр.
