Қоғам • 26 Қаңтар, 2024

Алматыда таңертең метро неге жұмыс істемей қалды?

191 рет
көрсетілді
1 мин
оқу үшін

Бүгін таңертең Алматы метрополитені неліктен жұмыс істемей қалғаны белгілі болды, деп хабарлайды Egemen.kz.

Алматыда таңертең метро неге жұмыс істемей қалды?

Фото: metroalmaty.kz

Әлеуметтік желіде Алматыдағы метроның жұмысы тоқтағаны туралы видеолар тарады. Осыдан кейін Алматы метрополитені жағдайды түсіндірді.

«26 қаңтар таңғы уақытта Райымбек бекетінде ақпараттық байланыс желісінің жұмысынан ақау табылуына байланысты метро пойыздары қолмен басқару режиміне ауыстырылды. Осы орайда барлық бекеттерде пойыздардың жүріс интервалы уақытша ұзарды. Бұл метродағы жүру қауіпсіздігіне еш әсер еткен жоқ. Мамандар жұмыс істеп, көп ұзамай үйреншікті интервал қайта қалпына келді. Қолайсыздық үшін кешірім өтінеміз», делінген хабарламада.

Қазір Алматы метрополитені штаттық режимде жұмыс істеп тұр.