Технология • 03 Ақпан, 2024

IT технологияның жетістіктері таныстырылды

142 рет
көрсетілді
5 мин
оқу үшін

«Digital Almaty-2024» алтыншы халықаралық цифрлық форумы алаңында болашағы зор стартаптар, бизнес өкілдері, мемлекеттік қызметкерлер мен шетелдік сарапшылар бас қосты, деп  хабарлайды Egemen.kz.

IT технологияның жетістіктері таныстырылды

Фото: Egemen.kz.

Форум «X индустриясы: болашақтың цифрлық эволюциясы» деп аталды. Біз өз кезегінде «Digital Almaty-2024»көрмесінің мақсаты мен қатысушылары қазақстандықтарға не ұсына алатынын өз көзімізбен көрмек болдық. Журналистердің сұрағына Цифрлық даму министрі Бағдат Мусин мен «Ақпараттық технологиялар паркі» автономды кластерлік қорының бас директоры Бауыржан Канкин жауап берді.

Көрмеде 300-ден астам қазақстандық және халықаралық IT-компаниялардың, сонымен қатар цифрландырудың GovTech, AgroTech, Industry 4.0, ESG, Smart City және т.б. салаларындағы мемлекеттік органдардың цифрлық жобалары ұсынылған.

Үкімет басшыларына Қазақстан Республикасының мемлекеттік ақпараттық жүйелеріндегі бірыңғай стандарттарды сақтауды қамтамасыз ететін Qaztech платформасы және кәсіпкерлік қызметті «нөлден» реттеудің цифрлық негізі ұсынылды. Компаниялардың бірінің өкілі Александр Поповский үкімет басшыларына Қазақстанда халық пен бизнеске арналған 10-нан астам қызмет түрі жұмыс істейтінін айтты.

«Біз өз қызметтерімізді барлығына қолжетімді етуге тырысамыз. 2023 жылы біз: қазақ тілінде «карталар», мобильді браузер мен қосымшада қазақ тілінде Алиса пайда болды, Яндекс браузерінде бейнелердің қазақ тіліне нейрондық аудармасы, сонымен қатар қазақ тілінде іздеуде жылдам жауаптар жасалды»,  дейді маман.

Сонымен қатар көрмеде Қазақстанда іске қосылған өнеркәсіптік роботтандыру бойынша Орталық Азиядағы бірінші құзырет орталығының қызметі таныстырылды.

Алматыда қазақстандық жетекші IT-компаниялар мен стартаптар да өз жобаларын көрсетті.  Көрмеге келушілерге ондаған стендтер ұсынылды, онда өте шағын және ірі компаниялар болашақ индустрияландыру туралы өз көзқарастарын көрсетті.

Біз бірінші кезекте алтынды ашық әдіспен өндіру процесін бақылауды автоматтандырумен айналысатын компанияның жұмысымен таныстық. Компания қызметкері Сапархан  «Вобблер» деп аталатын құрылғының алтын өндіру барысында  дрондарды пайдаланатынын, қай воблерлердің бұзылғанын және жөндеуді қажет ететінін дәл анықтайтынын, сол бойынша алтын өндіреретін технологиялардың жұмысына скринг жүретінін айтты.

«Біз бұл процесті дрондардың көмегімен автоматтандырдық. Көбінесе адамдар құралсыз жүреді. Бұл дрондармен қауіпсіз; сізге бүкіл өрісті аралаудың қажеті жоқ. Біз бүкіл процесті цифрландырып, автоматтандырдық», дейді Сапархан.

Көрмеге қойылған стенд Өзбекстаннан келген IT-парктің өкілдері  орталықтың 2019 жылдан бері жұмыс істеп келе жатқанын, шын мәнінде бұл Astana Hub-тың аналогы екенін айтты. Өзбекстандық Нигора есімді маманның айтуынша, бұл орталық  шетелде де мамандар мен компаниялар дами алатын IT саласына арналған алаң. Қазіргі уақытта саябақ тұрғындарының құрамында 1600-ден астам компания мен 26 мыңнан астам маман бар.

«Парк IT компанияларға жеңілдіктер беретіндігімен ерекше. Біздің тұрғындар табыстан басқа салықтан босатылған», дейді ол.

Біздің көзіміз түскен келесі стенд автоматтандырылған бақылау жүйесін шығаратын алматылық компанияға тиесілі екен. Компания өкілі Виталий Остапчук біздің көз алдымыздағы технологияның бәрі сенсорлар мен лазерлер жүйесі екенін айтты.  Лазер химиялық ластаушымен жанасқанда импульс жіберіліп, ақпарат беріледі.

«Датчиктер сигналдарды контроллерге жібереді, олар қалыпты блоктарға айналады және кез келген жерде – кәсіпорынның серверлеріне немесе мемлекеттік органдарға беріледі», деді Виталий Остапчук.

Көрмені аралап жүріп өнеркәсіптік робототехниканың тұтас бір орталығы ұсынылғанын байқап қалдық. Бұл кәдімгі  дәнекерлеу жұмыстарын орындауға бағдарламаланған нағыз роботтар екен.  Компанияның өкілі Игорь Мушников бізге  дәнекерлеу – роботтандырудың негізгі бағыттарының бірі екенін айтты.  Бұл зиянды және жауапты жұмыс. Нәтиже дәнекерлеушінің көңіл-күйіне байланысты болмауы керек.

«Дәнекерлеу – робототехниканы алға жылжытқан алғашқы технология», деді Игорь Мушников. 

Көрме барысында қойылған технологияның  бәрі жеке-жеке атап өтуге тұрарлық. Ал келесі танысқан дәрігерлік скрининг жасайтын кешен. Бұл кешен дәрігердің қабылдауын автоматандырғанымен құнды.   

Компания менеджері Анна Барсукова журналистерге өнеркәсіптік өндірістегі медициналық тексерулерді автоматтандыратын барлық шешімдерді қамтитын кешен туралы толық мәлімет беруге тырысты. Оның айтуынша, технология бірер минут ішінде дене температурасы, импульс, қан қысымы тәрізді көрсеткіштерді жинайды, медициналық тексеру уақытын айтарлықтай қысқартады. Егер ағзаның жұмысында ақау табылса оның себебі туралы да мәлімет береді.