![Кісі өлтіру, тонау, ұрлық. Иттердің көмегімен қандай қылмыс ашылғаны айтылды](/media/2024/02/16/screenshot-20240216-084359-gallery.webp)
Фото: polisia.kz
«Ішкі істер органдарында қызметтік-іздестіру иттері із кесу, патрульдік, есірткі және жарылғыш заттарды іздеу бағыттары бойынша қызмет атқарады. Төрт аяқты көмекшілер қылмыстарды ашуда кеңінен қолданылады. Жақында ғана Ақтөбе облысында автокөлікті тексеру кезінде қызметтік-іздестіру итімен шамамен 60 кг есірткі табылып, тәркіленді. Олар қылмыскерлер мен жоғалған адамдарды, балаларды табуға көмектеседі», делінген хабарламада.
Мәселен, 16 қаңтарда Қарағандыда үшінші сынып оқушысы жоғалды, өзімен бірге ұялы телефоны болмаған. Алайда ит дәл сол күні иіс іздері арқылы баланы тауып алды.
«Есірткі контрабандасының фактілерін болдырмау мақсатында меморандум шеңберінде тұрақты негізде «Қазпошта» филиалдарында пошта жөнелтімдері тексеріледі. Бұған қоса, кинолог мамандармен әуежай мен вокзалдарға, пойыздарға тексерістер жүргізіледі», деді ІІМ есірткі қылмысына қарсы іс-қимыл департаменті кинологиялық қызмет бөлімінің бастығы Алмас Күнтуов.