Фото: argymaq.kz
«Вaige.federasiasy» ютуб арнасындағы сұхбатта Мұрат Өсербаев бәйге аттарының жылдамдығы артып келе жатқанын айтты. «Мұның екі себебі бар. Сырттан сатып әкелетін таза қанды жылқылардың да сапасы жоғары қазір. Екіншіден, қолтума жылқылардың да бабы керемет, үнемі жүйріктер бәйге тілеп зар күйінде жүреді. Бұл атбегілердің біліктілігін байқатады. Демек, олардың да деңгейі өсті деген сөз. Бұрынырақта 25 шақырымдық аламан бәйгеде аттар 1,5 сағатта шауып өтетін. Қазір 25 шақырымды жүйріктер 33 минутта өндіреді. Былтыр «Ұлы аламан» бәйгесі 35 шақырымда 53 минутта шауып келді. Тағы бір айтатын жайт, бұрынғыдай мертігіп, болмаса зорығып құлайтын аттар да азайып келеді. Көбіне бабы дұрыс болмай, күйі келмей қосылған жүйріктер жығылатын. Бүгінде атбегілердің өресі өсті, тәжірибесі толысты. Сондықтан бабына енбеген жүйрікті жүгірте беруді қош көрмейді», деді М.Өсербаев.
