Жамбыл ақынның шойыннан құйылған портрет-мүсіні Челябі облысының Каслин қаласындағы тарихи-көркемөнер музейінде тұр. Шойын балқытумен атағы шыққан қала атауының түп-төркінін мамандар башқұрт тіліндегі «қазлы», яғни қазы көп деген сөзге әкеліп тірейді. Алайда бұл шахардың атағын шығарған қаз емес, шойын.
Жамбыл ақынның немересі Зейнехан
Ақын портретінің авторы Александр Гилев – шойыннан өнер жасауға өмірін арнаған адам. Жамбыл Жабаевтың мүсіні – шебердің қолөнер училищесінде оқып жүріп жасаған ең алғашқы туындыларының бірі. Жас мүсіншінің талантына тәнті болған Каслин шойын зауытының басшылары аталған туындыны Алматыға жіберген екен, іле Алматы қаласынан дәл осындай тағы 300 мүсін құйып беруге тапсырыс түсіпті. Кейін тапсырыс көлемі мыңға дейін жеткен.
Жамбылдың киіз үйі
Санкт-Петербургтегі Кунсткамерада Жамбыл Жабаевқа қатысты он шақты жәдігер сақтаулы тұр. Олардың ішінде ақын портреті бедерленген тәрелке, Жамбыл тұрған киіз үй мен жаңа там үйі, киіз үйдің ішкі көріністері, Жамбыл атындағы ұжымшардың басқарма мүшелері, ақынның Зейнехан есімді немересі бейнеленген фотосуреттері бар.
Қостанай облысы
