Қоғам • 23 Ақпан, 2024

«Құны 10 миллион теңге». Полиция қызметкерлері үнді марихуанасын тәркіледі

111 рет

көрсетілді

1 мин

оқу үшін

Жамбыл облысында құны 10 млн теңгені құрайтын үнді марихуанасы тәркіленді. «Тосқауыл» жедел-профилактикалық іс-шарасы аясында Тараз қаласының 50 жасар тұрғыны есірткі заттарын сақтағаны анықталды, деп жазады Egemen.kz Polisia.kz-ке сілтеме жасап.

Қуаныш НҰРДАНБЕКҰЛЫ

«Құны 10 миллион теңге». Полиция қызметкерлері үнді марихуанасын тәркіледі

Фото: POLICE_of_KZ

«Яго есімді қызметтік ит тұрғылықты жерін тінту кезінде қора мен бақшада жасырылған есірткіні табуға көмектесті. Күдікті тыйым салынған заттарды канистрлерде сақтаған. Жалпы салмағы 4 келі 604 грамм кептірілген үнді марихуанасы тәркіленді», делінген ақпаратта.

Жамбыл облысы ПД Есірткі қылмысына қарсы іс-қимыл басқармасының бастығы полиция полковнигі Әлім Бажықбаев күдікті қамалып, сотқа дейінгі тергеу амалдары жүргізіліп жатқанын айтты.