Фото: Қарағанды облысы әкімдігі
Азамат Тайжанов Қазақ гуманитарлық-заң университетін (Халықаралық құқық бакалавры), Жапониядағы Токай университетін (экономика магистрі), Л.Гумилев атындағы Еуразия ұлттық университетін тәмамдаған. PhD докторы.
2007 жылдан бастап мемлекеттік қызметтегі Азамат Айтбайұлы экономика және бюджеттік жоспарлау, қоршаған ортаны қорғау, индустрия және жаңа технологиялар ведомстволарында әртүрлі қызметтер атқарды.
Степногорск қаласы әкімінің орынбасары, Ақмола облысына қарасты Егіндікөл және Аршалы аудандарының әкімі болып жұмыс істеді. «Тұрғын үй-коммуналдық шаруашылықты жаңғырту және дамыту орталығы» АҚ Басқарушы директоры, Басқарма төрағасының орынбасары – Басқарма мүшесі болды.
2021 жылдан 2023 жылға дейін – Премьер-министрдің орынбасары – Қаржы министрінің кеңесшісі.
Аталған тағайындауға дейін 2023 жылғы мамырдан бастап Ақмола облысы әкімінің орынбасары қызметін атқарды.
