Мәдениет үйі жиналыстың ғана орны емес

Мәдениет және туризм бас­қармасының басшысы мен аудан, қала әкімдеріне осындай тап­сырмалар берген облыс әкімі Дар­хан Сатыбалды таланттарды іздеу, конкурс ұйымдастыру, өт­кізілетін мәдени іс-шаралар ре­спубликалық, халықаралық дең­гейде болуы қажеттігін атап өтті. Өкінішке қарай, Түркістан облы­сының 600-ден астам елді ме­кенінде мә­дениет үйі жоқ. Әсі­р­есе шалғай ауылдардағы мә­дениет үйлері мен клубтардың жай-күйі, техникалық базасы сын көтермейді. Олардың басым көпшілігі 90-шы жылдары жекешеленіп кеткен. Вице-премьердің атына депутаттық сауа­л жолдаған сенаторлар келтірген мәліметтерге жүгінсек, елімізде қазір жұмыс істеп тұрған 2035 Мәдениет үйінің 770-і және 2006 ауыл клубының 608-і күрделі жөн­деуді қажет етеді. Кейбірі тозығы жетсе, енді бірі апаттық жағдайда тұр. Еліміздегі 3 891 кітапхананың 79%-ы ауылдық жерлерде, алайда олардың 60%-дан ас­тамы ескірген. Осы орайда Түр­кістан облысында былтыр «Ауыл ел – бесігі» бағдарламасы ая­сында 13 Мәдениет үйі кітап­ханасымен бірге пайдалануға бе­рілгенін айта кетелік.

Ал жуыр­да ашылған Шардара ауданына қарасты Жаушықұм ауылдық округіндегі мәдениет үйінің жобалық-сметалық құны – 443263 мың теңге. «Ауыл – ел бесігі» мемлекеттік бағ­дар­ламасы аясында салынған жаңа ғимарат ұлттық қор есебінен қар­жыландырылған. Мәдениет үйінде би, домбыра, сурет үйірмесі жұмыс істейді. Онда арнайы мамандар қызмет етпек. Мәдениет және туризм бас­қармасының басшысы Әзім­хан Қойлыбаевтың айтуынша, өңірде креативті индус­трия аймағын құру жұмыстары қолға алынған. Дамыту тұжы­рымдамасы әзірленіп, негізгі бағыттары айқындалған.

Өңірде 691 мәдениет және өнер мекемесі ха­лыққа қызмет көрсетіп ке­леді. Биыл мәдениет саласын да­мытудың негізгі алты бағыты бойын­ша жоспарлар дайындалған. Түркістан қаласының монументті өнер туындыларының орнатылуы туралы тұжырымдама дайындалды. Кейінгі 3 жылда орнатылған монументті өнер туындыларына мониторинг жұмыстары жүргізіліп, 17 заңсыз орнатылған монумент заңдастырылған. ЮНЕСКО-ның халықаралық ті­зіміне енгізу мақсатында жүр­гізілген «Арпаөзен» тарихи-мә­дени кешеніне археологиялық зерттеу жұмыстары нәтижесінде 5000-нан астам петроглиф сыры ашы­лып, ұсыныс жолданады. Қазіргі таңда петроглифтердің есеп карточкалары, ғылыми сараптамалары дайындалып, жаңадан тарихи-мәдени мұра нысандары анықталды.

Биыл аталған петроглифтерге зерттеу жұмыстарының екінші кезеңі жүзеге асырылмақ. Облыстағы алдын ала есепке алу тізімінде тұрған жергілікті 100 тарихи-мәдени мұра объектілеріне ғылыми сараптама жүргізіледі.

Сондай-ақ биыл мемлекеттік шығармашылық тапсырыс аясында өнім беруші үйірмелер арасында тұңғыш рет облыстық өнер байқауы ұйымдастырылады. «TURKIsTANYM» жобасы аясында өңірдегі киелі орындар мен Түркістан қаласындағы ерекше орындар туралы танымдық роликтер түсіріліп, әлеуметтік желілер арқылы насихатталып жатыр. Ауылдарда отандық киноларды насихаттауда тұрақты түрде кинокөрсетілімдер ұйым­дас­тырылған. Сондай-ақ кітап оқитын оқырмандар санын арттыру, халық мәдениетін көтеру мақсатында бірқатар ауқымды жобалар қолға алынды. Тұңғыш рет республикалық деңгейде жаңа термелер байқауын ұйымдастыру жоспарланып отыр. Сонымен қатар республикалық деңгейде атап өтілетін тұлғалардың ме­рей­тойларын атқару бағы­тын­дағы іс-шаралардың жоспары әзір­леніп жатыр. Әлемге белгілі көр­ке­мөнер ұжымдары мен орын­даушылардың, театрлардың гас­трольдерін, сондай-ақ ірі шетел музейлерінің көрмелерін ұйым­дастыру көзделген. Облыс­тық «Бал­таңдай», республикалық «Түр­кістан даусы» дәстүрлі фор­матта, ал халықаралық «Voice of Turan» байқауы биыл ерекше форматта өткізілетін болады.

Түркістан облысы