Көктемнің жұпарын жүрекке жұқтырған бұл мерекенің мәні де, маңызы да зор. Қай кезде де шан-шараф, ізет-құрметке лайық болса да, бұл күні нәзік жандыларға ерекше сый-сияпат көрсетіледі. Осы дәстүрмен салтанатты іс-шара ханымдардың бәріне гүл сыйлаудан бастау алды.
Кештің басты жаңалығы – журналистер Абай Аймағамбет, Елік Әскербекұлы және Абзал Мақаштың орындауындағы «Әнге сал» әні болды. Қаракөздердің мәртебесін әнмен әуелеткен жігіттерге халықтың ризашылығы ерекше болды. Ал мерекелік ойын концертті одан сайын қыздыра түсті.
Батырхан Сәрсенхан мен Сәндібек Асанәлі өздерінің өлеңдерін оқып, аруларды құттықтады.
Кеш соңында Шыңғыс Мұқаев гитарамен әуелете ән шырқап, көрермен қауымды тебірентті.
«Көктемнің гүліндей құлпырып, әсемдіктің, әдептіліктің, әдеміліктің иесі болып бақытты да баянды ғұмыр кешіңіздер. Дендеріңізге саулық, шаңырақтарыңызға шаттық, құт-береке тілейміз. Көңілдеріңізден көктем көшпесін, құрметті арулар!», деген тілекпен салтанатты іс-шараны қорытындылады ұжымның жігіттері!
