фото: Egov.press
Egov.press Telegram арнасында ұрып-соғудың видеосы пайда болды.
Бейнежазбадан бұзақылардың бірі жалғыз отырған азаматқа жақындап оны бірнеше рет тепкілейді. Айта кетейік, видеода жасөспірімдер арасында ұлдармен қатар қыздар да бар.
Аталған факті бойынша оқиғаға қатысушылардың барлығы анықталып, Қонаев полиция бөліміне жеткізілді.
«Қазір қалалық полиция бұзақылық бабы бойынша қылмыстық іс қозғады. Барлық фактілер бойынша тергеу әрекеттері сараптамалар тағайындау арқылы жүргізіледі. Тергеу мүддесіне сай басқа мәліметтер жария етілмейді», деп атап өтті Алматы облысының полиция департаменті.
