Экономика • 01 Сәуір, 2024

«Қазақстан халқына» қоры су тасқынынан зардап шеккендерге қаржы бөледі

170 рет
көрсетілді
1 мин
оқу үшін

Қасым-Жомарт Тоқаев Республикалық штаб отырысында Үкіметке, құзырлы мемлекеттік органдарға және облыс әкімдеріне бірқатар тапсырма берді, деп жазады Egemen.kz.

«Қазақстан халқына» қоры су тасқынынан зардап шеккендерге қаржы бөледі

«Су тасқынынан зардап шеккен адамдарға тиісті барлық көмек көрсетілсін. Бұл мақсатқа Үкіметтің және әкімдіктердің резервін ғана емес, «Қазақстан халқына» қорының қаржысын да пайдалану қажет. Осындай жауапты сәтте еліміздегі бизнес өкілдерін халыққа қол ұшын созуға шақырамын. Апаттан зардап шеккен азаматтарға және аймақтарға барынша қолдау көрсету керек. Бұл – дәл қазіргі кезеңде баршаға ортақ міндет. Қарғын судан қатты шығынға ұшыраған батыс аймақтарда ірі кәсіпорындар көп. «Самұрық-Қазына» қорына қарасты компаниялар, жер қойнауын игерушілер бар. Олар халыққа жәрдем беріп, бүлінген инфрақұрылымды қалпына келтіруге атсалысады деп сенемін», деді Мемлекет басшысы.