Фото: Oqu-agartu ministrligi
Министр оқу процесін сапалы ұйымдастыра отырып, балалар қауіпсіздігін және құқықтарын қорғауға ерекше назар аудару қажет екенін атап өтті. Балалардың құқықтарын қорғау комитетіне ең алдымен көмекке мұқтаж отбасылардағы оқушылардың жазғы демалысын ұйымдастыру тапсырылды.
Айта кетсек, еліміздегі жыл бойы жұмыс істейтін 11 сауықтыру орталығы 6-сәуірден бастап оқу процесін ұйымдастыра отырып, балаларды қабылдауға дайын. Оқушыларды тасымалдау үшін министрлік қауіпсіздік жөніндегі нұсқаулық пен ведомствоаралық іс-қимыл алгоритмін әзірледі.
Аппараттық кеңес барысында министр тасқын салдарынан қиын жағдайға тап болған педагогтерді қолдау мәселесіне де тоқталып, су тасқынына қарсы іс-шараларға қатысқан әріптестеріне шынайы патриотизмі үшін алғыс білдірді.
