Бұл туралы облыстық полиция департаментінің баспасөз қызметі ақпарат таратты.
Өңірлік ведомсвто мәліметінше, олар 7 сәуірде сағат 15:00 шамасында Семей қаласындағы Восточный левый елді мекеніндегі үйінен шығып, сол күйі хабарсыз кеткен.
«2005 жылы 10 маусым күні туған Әбішева Алтынай Дәулетқызын және кәмелетке толмаған - 2008 жылы 28 қаңтарда туған Әбішев Абзал Дәулетұлын іздестіруге жәрдемдесуді сұраймыз.
Алтынайдың белгілері: бойы - 160-165 см, дене бітімі - арық, қара шашты.
Алтынайдың киген киімі: тізеге дейін жасыл болон куртка, қара түсті футболка, қара түсті кроссовка.
Абзалдың белгілері: бойы - 175-180 см, дене бітімі - арық, шашы ашық түсті, оң көзінің астында тыртық бар.
Абзалдың киген киімі: қара түсті жеңсіз күртеше, көк түсті футболка, қара түсті джинсы, қара түсті кроссовка.
Егер Сіз фотосуреттегі жасөспірімдердің орналасқан жерін білсеңіз, 102 телефон арқылы хабарлауды сұраймыз», делінген ақпаратта.
