Ауа райы • 15 Сәуір, 2024

Қазақстанда күн райы 30 градусқа дейін жылиды

115 рет
көрсетілді
1 мин
оқу үшін

«Қазгидромет» РМК алдағы үш күнге арналған ауа райы болжамын ұсынды. Синоптиктердің болжамынша, 16-18 сәуір аралығында Қазақстанда күн райы 30 градусқа дейін жылиды, деп жазады Egemen.kz.

Қазақстанда күн райы 30 градусқа дейін жылиды

Фото: tafsilar.info

Метеорологтардың мәліметінше, алдағы үш күнде республика аумағының басым бөлігі атмосфералық фронтальды бөліктердің ықпалында болады.

Осыған байланысты жаңбыр жауады, түнде республиканың солтүстігінде, шығысында және орталығында жауын-шашын (жаңбыр, қар) болады, 16 сәуір күндіз еліміздің оңтүстігінде, оңтүстік-шығысында нөсер жаңбыр жауады. Тек республиканың оңтүстік-батысында күн ашық болып, жауын-шашынсыз ауа райы сақталады.

Республиканың кей өңірлерінде екпінді жел соғып, түнде және таңертең тұман түседі, күндіз найзағай ойнайды. 

«Алдағы 3 күнде термометрде температура тұрақты болмайды. Батыс, оңтүстік аймақта күндіз 22-30 градусқа дейін, солтүстікте, оңтүстік-шығыста, орталықта 15-25 градусқа дейін күн жылиды. Тек елдің шығысында түнде және күндіз ауа температурасы тұрақты болмайды», делінген хабарламада.