Фото: Сенаттың баспасөз қызметі
Депутат Нұрлан Бекенов Ақмола облысының Шортанды ауданына қарасты Дамса ауылындағы тасқын суға дайындық жұмысының жай-жапсарымен танысты. Егер бөгет күтпеген жағдайда бұзылатын болса, пайдаланылатын балама және айналма жолдар бар. Н.Бекенов аудандағы ахуалдың тұрақтылығын және су тасқыны салдарын жою жұмыстары өз деңгейінде жүргізіліп жатқанын атап өтті.
Сенаторлар Ғалиасқар Сарыбаев, Әлішер Сатвалдиев және Бибігүл Жексенбай «Астана» маңындағы қарсы реттеуші су қоймасында болды. Аталған қойма арқылы – қаладан тасқын су өткізіледі және қала ықтимал тасқын судан қорғалады. Су деңгейінің көтерілуі және тасқын судың қала инфрақұрылымына әсеріне байланысты қауіпке орай астаналықтардың өтініші сапарға себеп болған еді. Нысанды аралау барысында сарапшылар қазіргі уақытта елорданы су басу қаупі жоқ екенін, ахуал әкімдіктің бақылауында тұрғанын және қарсы реттеушінің қалыпты жұмыс істеп тұрғаны туралы сенаторларға айтып берді. Депутаттар кездесу барысында төтенше жағдайға байланысты жедел әрекет ету және мониторинг жүйесін одан әрі жетілдіру қажеттігіне тоқталды.
