Бұл көшенің ұзындығы 14,3 шақырымды құрайды. Алдын ала бекітілген жобалық-сметалық құжатқа сай, жаңадан түсетін жолдың бойындағы инженерлік желілер түгелдей ауыстырылып, жаңартылады. Оның ішінде газ құбыры мен электр желілері бар. Ал көшенің өзі 4 жолақты болмақ. Жол бойында бақ орналастыру көзделіп, абаттандыру да қарастырылған.
Сонымен қатар шағын аудандардың ішіндегі 12 көшенің жолына ағымдағы жөндеу жасалады. Жобаның аяқталу мерзімі 2025 жылға жоспарланған. Қазір мұнда 39 ауыр техника мен 45 адам қызмет етіп жатыр.
«8, 10-шағын аудандарда сазды аумақтар көп болғандықтан, жолдың биіктігін көтеріп, жартасты тастар төселіп жатыр. Бұл асфальттың отырып кетуінің алдын алады. Көше бойынан жаңбыр, қар суының кедергісіз ағып өтуі үшін арықтар немесе су арнасын салу қажет. Бұл үшін арнайы жоба әзірленіп жатыр», дейді қалалық Жолаушылар көлігі және автомобиль жолдары бөлімінің басшысы Бағдат Әлиев.
Бұған қоса қаладағы 10 көшеге күрделі жөндеу жұмысы жасалады.
Алматы облысы
