Нақтылай түссек, министрлік су тасқынынан зардап шеккендерге өтемақы төлейтіні туралы әлеуметтік желілерде және мессенджерлерде жалған ақпарат тарап кеткен-ді. Ақпараттың артында тұрған белгісіз тұлғалар төлемдерді алу үшін «Толығырақ» батырмасын басуды немесе сілтемеге өтуді ұсынады.
«Мемлекет басшысының тапсырмасына сәйкес су тасқынынан зардап шеккен қазақстандықтарға жергілікті атқарушы органдар біржолғы төлем түрінде көмек көрсетеді. Олардың мөлшері әр өңірде келтірілген материалдық залалды есептеу үшін құрылған арнайы комиссиялардың шешімі бойынша жеке-жеке белгіленетін болады.
Тиісінше, хабарламада көрсетілген сілтеме алаяқтардың азаматтардың жеке деректерін алу тәсілі болуы мүмкін. Алаяқтармен өзара әрекеттесуді болдырмау үшін ешбір жағдайда сілтемеге өтпеуге кеңес береміз. Мемлекеттік қолдаудың тиісті шаралары туралы ресми ақпарат 1414 нөмірінен СМС-хабарламалар арқылы ғана таратылатынын естеріңізге саламыз. Азаматтарды тек ресми ақпарат көздеріне сүйенуге шақырамыз. Жалған ақпарат тарату заңмен жазаланатынын естеріңізге саламыз», делінген министрліктің баспасөз қызметі таратқан ресми хабарламада.
