фото: ҰҚК
Ақпаратқа сәйкес, күдікті деп танылған төрт Қазақстан азаматы Алматы қаласында, Алматы және Жамбыл облыстарында ұсталған. Күдіктілерді қамауға алу операциясын Ұлттық қауіпсіздік комитеті Ішкі істер минситрлігімен өзара әрекеттесе, прокуратура органдарының үйлестіруімен жүзеге асырды.
«Олар республика аумағында тыйым салынған діни-экстремистік ұйымның әрекетіне қатысты және ұйымдастырды деген күдікке ілінді», делінген ҰҚК ақпаратында.
Тұрғылықты жерлері бойынша тінту жұмыстары барысында тыйым салынған діни әдебиеттер мен басқа да заттай дәлелдемелер табылған.
Қылмыстық кодекстің 405-бабы бойынша сотқа дейінгі тергеу жүргізіліп жатыр.
«Атап өтетін жайт, ұсталған адамдардың екеуі бұған дейін осындай қылмыс жасағаны үшін сотты болған», делінген хабарламада.
Қазір ұсталғандарға қатысты бұлтартпау шарасын қолдану мәселесі шешіліп жатыр.
Қылмыстық-процестік кодекстің 201-бабы 1-бөлігіне сәйкес өзге ақпарат жариялануға жатпайды.
