Фото: ашық дереккөз
Ақтөбе облысында волонтерлердің бірлігі мен күшінің арқасында 308 тонна азық-түлік, 85 тонна азық-түлік емес қажетті тауарлар және 223 килограмм дәрі-дәрмек эвакуациялық пункттерге бөлінді. 10 мыңға жуық құтқарушы мен эвакуацияланған тұрғындар үшін ыстық тамақ ұйымдастырылды.
Атырау облысында еріктілер штабы шұғыл режимде жұмыс істеп тұр. Су тасқынына қарсы іс-шараларға 13 мыңнан астам волонтер жұмылдырылды. Гуманитарлық көмек қабылдау пунктінде осы күні 1 390 тоннадан астам тауар жиналды. Атырау қаласында бөгетті күшейту үшін 107 пункт орнатылған. Бөгет тұрғызу жұмыстары тәулік бойы жүргізіліп жатыр.
Батыс Қазақстан облысындағы құтқару жұмыстарына 8 000 волонтер қатысты. Көмек жинау пункттерінде 415 тонна гуманитарлық көмек жиналды.
Қостанай облысында 3 500-ден астам ерікті тұрғындарды эвакуациялау жұмыстарына қатысты.
Шымкентке 1 500-ге жуық волонтер жұмылдырылып, олардың бір бөлігі зардап шеккен өңірлерге жол тартты.
