Айтылған тұрғын үй кешені KazGBC әзірлеген ӨМІР ғимараттарын экологиялық бағалаудың отандық жүйесі бойынша қорытынды аттестациядан сәтті өтіп, ӨМІР алтын сертификатына ие болды. Мұндай жоғары көрсеткіш назардан тыс қалмауы керек еді. Сондықтан осы кешеннің сауда кеңсесінде тиісті ӨМІР маркерін (белгісін) орнату арқылы нысанның экологиялық тазалығын дәлелдеді.
Расында, Aruna City тұрғын үй кешенінің ғимараты еліміздегі мұндай таңбалауы бар бірінші нысан болды. Бұл шын мәнінде Қазақстанның құрылыс және экология саласындағы үлкен оқиға. Жасыл құрылысты дамытуда және оны халық арасында кеңінен насихаттауда ғимараттарды жасылмен таңбалаудың маңызы зор.
Ғимараттың қасбетіне немесе ішіне орнатылған сәйкес экологиялық таза маркер нысанның мәртебесін білдіреді және оның жақсы орналасуына ықпал етеді. Сондықтан елімізде жасыл сертификаттау нәтижелерін жақсы қырынан көрсетіп, жасылмен таңбалау тәжірибесін дамыту ерекше маңызды.
Бұл жасыл ғимараттарды ерекшелеуге және қоғам мен әзірлеуші компаниялардың назарын жасыл құрылыс тақырыбына аударуға көмектеседі. Мұндай іс-шаралар еліміздегі құрылыс саласының талапқа сай тұрақты даму мақсатына қол жеткізу үшін қажет.
