Фото: Абай облысы бойынша мемлекеттік орман инспекциясы
11 мамырда табиғат қорғау заңнамасы талаптарының сақталуын бақылау бойынша жедел-рейдтік іс-шаралар шеңберінде «Абай облысы бойынша облыстық орман шаруашылығы және жануарлар дүниесі аумақтық инспекциясы» РММ мамандары Бесқарағай ауданының табиғат қорғау полициясы қызметкерлерімен бірлесіп, Морозов филиалында дымқылдау өсетін қарағай ағаштарын заңсыз тасып әкету фактісін анықтаған.
Орман инспекциясы хабарламасында: «Ағаштардың жалпы көлемі 7,8 текше метрді құрады, келтірілген залал 550 мың теңгеден астам», делінген.
Кінәлілерді ҚР ҚК 188-бабында көзделген қылмыстық жауапкершілікке тарту үшін материалдар құқық қорғау органдарына берілді.
