Индер ауданының әкімі Дарын Шамұратовтың айтуынша, 8 мамырдан бері аталған жол бөлігінің жиегіне топырақ төгіліп, бөгет тұрғызылған. Алайда, Жайық өзенінен сай-жыраларға шыққан тасқын судың ағысын тоқтату мүмкін болмаған.
«Бүгін, 13 мамырда сағат 09:45-те сайларға жиналған тасқын су Атырау-Орал трассасынан Индербор кентіне баратын жолдың 3-5-шақырымы аралығын басты. Осы учаскеде автокөліктің барлық түрі үшін қозғалыс тоқтатылды. Орал қаласына баратын автокөлік жүргізушілері үшін Махамбет ауылы арқылы өтетін балама жол бар», деп хабарлады облыстық жедел штабтан.
