Фото: inbusiness.kz
Үкімет басшысы шағын азаматтық авиация мүмкіндіктерін де туризмді дамытуға пайдалануға болатынын айтты. Ол үшін Көлік министрлігі инфрақұрылымды қайта қарап, әлеуетті инвесторларды тарту үшін тиісті жағдай жасауға тиіс.
«Қауіпсіздік мәселелерін пысықтап, көршілес елдермен қатар алыс шетелдердің де тәжірибесін зерделеу қажет. Елімізде табиғи туристік аймақтар шалғай орналасқан, сондықтан шағын авиацияны дамыту өте өзекті болып саналады. Кішігірім ұшақтар мен тікұшақтарға бетон жолақтар қажет емес, шағын инфрақұрылым салса жетіп жатыр», деп атап өтті Олжас Бектенов Үкімет отырысында.
