Оқиға • 14 Мамыр, 2024

29 жастағы боксшы жекпе-жектен кейін көз жұмды

168 рет
көрсетілді
1 мин
оқу үшін

Британ боксшысы Шериф Лаваль кәсіпқой рингтегі алғашқы жекпе-жегінен кейін көз жұмды. Ол 12 мамырда отандасы Малам Вареламен жұдырықтасқан еді, деп хабарлайды Egemen.kz.

29 жастағы боксшы жекпе-жектен кейін көз жұмды

Фото: pixabay.com

Шериф Лаваль төртінші раундта шеке тұсынан соққы алып, есінен танып қалған. Төреші жекпе-жекті дереу тоқтатқан.

Дәрігерлер дефибрилляторды қолданар алдында спортшыға алғашқы медициналық жәрдем көрсеткен. Боксшы ауруханаға жедел жеткізілген, алайда, есін жимастан көз жұмған. Қайғылы оқиғадан соң бокс кеші тоқтатылды.

Шериф Лаваль 2018 жылдан бері бокспен шұғылданған.