Әлеуметтік желіде бұл оқиғаның бейнежазбасы қызу талқыланды.
Сол тәрбие беру ұйымының жабылғаны белгілі болды. Ал бүлдіршіндерге қол жұмсаған қызмкеткерлер жұмыстан қуылған.
Жергілікті әкімдік мекеменің он күнге жабылғанын хабарлады. Сондай-ақ тәрбиешілер мен балабақша меңгерушісінің жұмыстан босатылғанын айтты.
- 15 мамыр күні білім және полиция бөлімінің қызметкерлері балабақшадағы бейнебақылау камераларын қарап,тексеру жұмыстарын жалғастыруда. Балабақша меңгерушісі мен тәрбиешінің көмекшісі және негізгі тәрбиеші, үшеуі 15 мамыр күні жұмыстан босатылды. ҚР ҚК 140-бабы 3-тармағы бойынша сотқа дейінгі тергеу басталды, - деп жауап берді Панфилов ауданы әкімінің баспасөз хатшысы Нұрбол Ханағат.
Айта кетейік, бұл оқиға Жетісу облысы, Жаркент қаласындағы балабақшалардың бірінде болған.
Әлеуметтік желіде тараған бейнежазбадан бір топ ата-ананы байқауға болады. Олар балабақшадағы бейнебақылау камерасының жазбасынан өз перзенттерін аяусыз ұрып-соққанын жүрегі езіле көріп отыр.
- Тып-тыныш отырған баламды салып қалды, - дейді аналардың біреуі.
