Қоғам • 17 Мамыр, 2024

Жыл басынан бері 196 мыңға жуық адам жұмыспен қамтылды

30 рет
көрсетілді
1 мин
оқу үшін

2024 жылғы 1 мамырдағы жағдай бойынша жұмыспен қамтуға жәрдемдесу шараларына 195,9 мың Қазақстан азаматы қатысты, деп хабарлайды Egemen.kz Еңбек және халықты әлеуметтік қорғау министрлігінің баспасөз қызметіне сілтеме жасап. 

Жыл басынан бері 196 мыңға жуық адам жұмыспен қамтылды

Фото: qyzylqoga.kz

Министрлік мәліметінше, 154,2 мың адам жұмыспен қамтылды, оның 50,3 мыңы тұрақты жұмысқа орналасқан.

Субсидияланатын жұмыс орындарына 103,9 мың адам орналастырылды. Оның ішінде әлеуметтік жұмыс орындарында 9,5 мың адам, жастар практикасында 6,3 мың адам, қоғамдық жұмыстарда 72,9 мың адам, «Алғашқы жұмыс орны» жобасы аясында 3,4 мың адам, «Ұрпақтар келісімшарты» жобасы аясында 90 адам, «Күміс жас» жобасы аясында 11,8 мың адам жұмыспен қамтылды.

Еңбек нарығында сұранысқа ие дағдылар бойынша онлайн оқытумен 24,4 мың жұмыссыз қамтылды, оның ішінде 21,9 мыңы оқуды аяқтады.

Сондай-ақ «Бастау Бизнес» жобасы бойынша кәсіпкерлік негіздеріне оқытумен 21,6 мың адам қамтылды, оның ішінде 13,1 мың адам оқуды аяқтап, сертификаттар алды.

Қызмет саласын таңдау мақсатында 73,4 мың адам әлеуметтік кәсіптік бағдарлаудан өтті.

Бұдан басқа, жаңа бизнес-бастамаларды іске асыру үшін 2024 жылы халықтың әлеуметтік осал санаттарына 400 АЕК (1 476 800 теңге) мөлшерінде 9 мың грант және жастарға жылдық мөлшерлемесі 2,5%-дық, сомасы 5 млн теңгеге дейінгі 5 796 жеңілдетілген микрокредит беру көзделген.