Сенат • 30 Мамыр, 2024

Сенатта Қазақстанның ақпараттық-имидждік саясатын дамыту мәселесі талқыланды

41 рет
көрсетілді
1 мин
оқу үшін

Сенаттың Халықаралық қатынастар, қорғаныс және қауіпсіздік комитетінің депутаттары еліміздің ақпараттық-имидждік саясатын іске асыру мәселесі бойынша мемлекеттік органдар және ұйымдар өкілдерімен кездесті, деп хабарлайды Egemen.kz Сенаттың баспасөз қызметіне сілтеме жасап.

Сенатта Қазақстанның ақпараттық-имидждік саясатын дамыту мәселесі талқыланды

Фото: Сенат

Комитет төрағасы Андрей Лукин өз сөзінде жаһандық және өңірлік ахуал күрт өзгеріп жатқан кезде елімізге нақты нәтижесі болуы үшін Қазақстанның халықаралық бастамаларын неғұрлым тиімді және жүйелі ілгерілету маңызды екенін атап өтті.

«Еліміздің бет-бейнесін қалыптастыру оңай іс емес, өйткені бұл бәсекелестік жағдайында жүреді және қызметтің барлық салаларында жүйелі, логикалық және мақсатты жұмысты талап етеді. Ұлттық бренд, мәдени мұра, білім, ғылым және технология, экономикалық тұрақтылық, еліміздің әлемдік қоғамдастыққа беделі мен ықпалы, шет елдермен интеграция - осының бәрі еліміздің күшті және келешегі зор әріптес ретінде танылуына әсер етеді. Бұл мәселелерге назар аудармау әлемдік аренада айтарлықтай шығынға әкелуі мүмкін», деді сенатор Лукин.

Кездесу барысында еліміздің саяси келбеті мен сыртқы инвестицияға, бюджетті үнемдеу және ірі шараларды қайта қарауға қатысты мәселелер талқыланды. «Қорғас – Шығыс қақпасы» экономикалық аймағында өнеркәсіпті қала салу және Қазақстанның халықаралық құрылымға тиімді қатысуы сияқты балама жобаларды әзірлеу мәселесіне ерекше назар аударылды. Сондай-ақ сыртқы істер министрінің орынбасары Роман Василенко мен Мәдениет және ақпарат министрінің орынбасары Қанат Ысқақов баяндама жасады.

Соңғы жаңалықтар